Humor Manado : Nenek di lampu merah

Cerita ini dipost oleh November Mokodongan di facebook page-nya SMOKOL .

Ada seorang nenek lagi bawh motor bebek kong bru pertama kali maso kota, pas sampe d lampu merah, smua kendaraan yg mo ba lwat dah brenti, dg tu nenek le da baku iko brenti.
Lantaran tu nenek heran dia b tanya pa om d sebla p dia...

Nenek: Om,, kiapa nih kndaraan smua m brenti d dengah jalan....??
Om: Oh... napa dah lampu merah, nti ta pinda d lompu ijo bru bole b jalan tu kndaraan nek...
Nenek: Oh bagitu dank....!!!

Pas so lampu ijo samua kndaraan so ba jalan tinggal nenek masi bbadiam d tengah jalan, sampe 3x bgnti lampu merah nenek masi tetap d tampa. kong tu ank2 muda d pinggir jalan heran kg b tanya pa tu nenek. Nenek kapa blom m ba jalan...! Nenek: Iyo m tuggu sadiki lay kalo nenek p warna favorit so muncul baru nenek m b jalan...
Ank muda: emanknya nenek p warna favorit apa soooh..?
Nenek: Hmmm PINK Gitu Looooch......?!?!?!

Humor Manado : Pancuri Ayam

Cerita ini dikirim oleh Ivan Mahesa melalui BBM.

Alo ba pancuri ayam, kong Polisi dusu.

Polisi: Woooooyyyy, Allooo...jang lari ngana...

Alo balas: NO, Jang dusu dang pa kita!!!

Humor Manado: Sapatu Rabe

Cerita ini di-post oleh Afrie Mamuaya di facebook page-nya SMOKOL

Utu pulang rumah, de pe sepatu rabe.

Utu: Pa, napa kita pe sapatu da ta rabe...

Papa: Iyo, tenang jo ngana Utu, kalo Papa so ada doi, nanti torang pigi di mall, nae lantai paling atas, kong beli LEM disana...

Humor Manado: Perkebunan Warisan

Cerita ini dikirim oleh Ivan Mahesa melalui BBM.

Ada ini Opa so mendekati ajal alias game over. Dia bapesan pa depe cucu.

Opa: Nissa, Opa so nyanda kuat lagi, opa minta ngana seterus akang urus Opa pe perkebunan.

Nissa: Jang, bilang bagitu kwa Opa (dalam hati..woohhoo mo dapa warisan kita)

Opa: Samua depe isi perkebunan, ternak, villa, traktor for ngana...Tolong rawat bae-bae, jang lupa pi siram-siram akang Opa pe tanaman-tanaman.

Nissa: Iyo Opa, tenang jo kwa, maar disebelah mana dang tu perkebunan, kiapa Nissa nda pernah dengar tu dia Opa?

Opa: Pa Opa pe facebook, farmville cucuku, nanti Opa kase tau depe password.

Humor Manado: Jual Daging Babi

Cerita ini dikirim oleh Ephen di Manado melalui email.

Suatu hari Ungke bajual babi masak, kong dia bajalang putar-putar kampung blom ada yang beli, pas dia lewat di suatu lorong, ada Yanto ada basantai mo tidor siang...Yanto ini baru datang merantau di Manado, jadi belum talalu babahasa...

Ungke : Babi Tore...Babi Rica...
Yanto : Aduh, siapa itu ganggu aja?
Ungke : Babi Tore, Pak ?
Yanto : Hei jangan ribut, jangan jualan disini kamu!
Ungke : Babi ngana! Babi rica! Babi tore! Babi Ngana! Babi Rica ... (Sambil jalan truss )

Humor Manado: Kerja Bakti vs Makan

Cerita dibawah ini dikirim oleh Helda Mangare melalui email.

Setelah selesai kegiatan kerja bakti, disediakan makanan untuk para peserta kerja bakti.

Sebelum makan, berdirilah Hukum Tua untuk berdoa:

"Terima kasih atas segala berkatnya, mulai dari kegiatan kerja bakti yang hanya 5 orang sampai tiba saat makan ini yang hadir 1 kampung.
oh Tuhan tolong berikan roh malu kepada mereka. Amin"

Humor Manado: Ungke lawan satu kampung

Cerita dibawah ini dikirim oleh Helda Manawan di Jakarta melalui email.

Ungke so pastiu depe tamang-tamang ja beking malo padia, "parampung
ngana kalo nentau bakalae" di pastiu kong dia lari mo cari ilmu jago
pa pak haji.

Ungke: pa haji kase akang jimat kwa pa kita, biar kita jago bakalae.
pak haji: ok, mar ada de pe syarat.
Ungke: apa dang depe syarat pa haji.
pa haji: ngana musti ba kuku di tengah kampung pangge samua warga
bakalae deng ngana, kalo so takumpul baru ngana baca tu jimat.
bagaimana?
Ungke: ok. ta stuju.

Pak haji maso di kamar dia tulis sesuatu di kertas kong dia lipa
bagus-bagus kase pa ungke.

pak haji: napa Ungke, ngana akan jadi jago setelah ini.

Ungke pe trima tu jimat, kong langsung dia pigi di tenga kampung kong bakuku:

Ungke: uuuuuhhhhhh... mari jo sapa yang mau...jang setenga-setenga, satu kampung majo jo samua...

satu kampung so mulai takumpul, kong ungke buka itu jimat, pas dia baca di kage
"lari jo ngana jang dong bunuh."