Humor Manado: Menu remes special

Oom Kale ada ba pasiar ke Jawa, ke Jogjakarta tepatnya. Siang-siang so lapar, oom Kale singga di warong Nasi Remes pinggir jalan. Dia iko maso kong so babalia menu. Nda berapa lama ibu pelayan warong datang pa Oom Kale pe meja.

Ibu pelayan: Selamat siang Pak, mau pesen apa?

Oom Kale: ini ada *sambil ba tunjung salah satu menu*

Ibu pelayan: Ooo telor remes? ada pak...Mau?

Oom Kale (malo2): Iyo mau, maar pelang-pelang nee...

Humor Manado: Dialog Ayam dan Bebek

Cerita dibawah ini juga didapat dari message BBM dari Ivan Mahesa.

Alkisah di kintal belakang, Bebek dan Ayam sedang berchit-chat...

Bebek: Yam, berapa ngana pe tolor 1 biji?

Ayam: 1450, ngana dang Bek?

Bebek (stel sombong): 1500, makanya Yam, ngana se basar kwa sadiki ngana pe tolor, supaya bole mo jual mahal sama deng kita...

Ayam (so nafsu, stengah marah): Brenti lei Bek, cuma mo tatambah 50 perak lei, kita pe panta mo tarabe...

Humor Manado: Ungke di toko kaset

Cerita dibawah ini didapat dari message BBM dari Ivan Mahesa.

Suatu hari, Ungke ada pigi di toko kaset.

Ungke: Ko', ada kaset yang "berapa puluh taon lalu"*?

Ko': Haiyaa, disini kaset baru samua.

Ungke (ba kras): Bukang Ko', itu tu lagu yang "papa da kase tinggal"* dang?

Ko': Eh UNGKE...ngana dengar bae-bae ini, Ngana pe Papa nyanda pernah ada kase tinggal kaset disini!


note: buat yang nda mangarti, itu "BERAPA PULUH TAON LALU" dan "PAPA DA KASE TINGGAL" itu bagian dari lirik lagu pop manado dulu-dulu...

Humor Manado: Utu bajual di pasar

Utu ada bajual dimuka pasar Airmadidi. Hari ini dia da bajual rambutan, dia da ambe langsung di kobong. Orang-orang yang da datang pa Utu pe tampa cumang ja barasa, nda ada yang ba bli...

Depe esok, Utu coba bajual langsat yang dia ada pete dimuka rumah. Sama deng tu rambutan, orang cumang da datang barasa, nda ada lei tu ba bli. Sama lei deng hari sebelumnya, dong pe alasan kwa kalu nda asam, talalu manis atau mahal nooo.

So pastiu deng grel tu buah ja abis orang da rasa maar nda ada yang bli, depe esok Utu so nda bajual buah, dia ganti bajual peda.

Kong Utu so mulai bataria bajual, "PEDAA...PEDAAA...OOMMM TANTAA, NAPA KAMARI JO, PI RASA INI PEDA..."

Humor Manado: Channel Antena Spesial

Cerita dibawah ini didapat dari message BBM dari Ivan Mahesa.

Opa da asik bauni TV. Opa cek channel 1 ada film Drakula, channel 2 film pocong-pocong, channel 3 film vampire. Opa heran, kiapa do ni channel film2 hantu samua.

Kong Opa pangge pa Ungke.

Opa: UNGKEE, kamari ngana.

Ungke: Kiapa Opa?

Opa: Coba ngana cek tu antena da mangada kamana?

Ungke: KUBURAN Opa...

Opa: Ooo memang kote, coba ngana seputar sadiki ka arah KODIM, siapa tau ada film Rambo.