Satu hari, Utu, Oom Ance pe anak da dapa riki da diatas Oom Evert pe pohon mangga.
Oom Evert: UTUUU...ba pancuri mangga ngana kang? turun sini ngana...
Utu: Ndaa kwa Oom Evert...kita kwa cumang da dudu disini, cari angin...
Oom Evert: Ooo jang putar bale banya alasan ngana...turun ngana, ta mo bawa pulang pa ngana pe papa biar dia tau depe anak pancuri mangga...
Utu: Parcuma Oom, ta pe papa nda ada dirumah...
Oom Evert: Jang batowo ngana...ngana tau darimana ngana pe papa nda dirumah...sini ngana Oom nda percaya pa ngana...
Utu: Adoo Oom, nda batowo kita...co Oom Evert pi lia di pohon mangga diujung sana, ada disitu ta pe Papa...
Tidak ada komentar:
Posting Komentar